صلوات القديسين

رسالة القديس شربل حول مستقبل الشرق والعالم

رسالة القديس شربل حول مستقبل الشرق والعالم

ماذا تنبأ مار شربل عن الشرق الأوسط ؟ رسالة القديس شربل تنبأ فيها عن مستقبل الشرق الأوسط والعالم، وقد نقلناها لكم من صفحة مار شربل. نتمنى من المؤمنين أن يأخذوا بكلام القديس شربل على محمل الجد لأن الأيام الآتية ستكون صعبة جدا!

 

🙌 قال القديس شربل

درب جلجلتكم طويل بهالنقطة من العالم، وصليب المسيح بهالشرق على اكتافكم، أعداؤكم كتار لأنّهم أعداء الصليب. ما تجعلوا منهم أعداء لإلكم. احكوهم دايما بلغّة الصليب ولو كانوا أعداؤكم بسببو. الشهور والسنين اللي جايي رح تكون صعبة كتير، وقاسية ومرّة وثقيلة ثقل الصليب.

احملوها بصلاة عميقة من الإيمان، وبصبر من الرجا، وبمحبّة من الصليب. العنف رح يملّي الأرض، الكوكب رح يتجرّح بسكاكين الجهل والحقد، الشعوب المحيطة فيكم كلّها رح تترنّح تحت الألم، الخوف رح يكون على كلّ الأرض متل الرياح، والحزن بقلوب كلّ البشر. ناس جاهلين وحاقدين رح يتحكّموا بمصير شعوبهم وياخدوهم على البؤس والموت عن طريق الحقد الأعمى اللي رح يسمّوه عدالة، وعن طريق الجهل المظلم اللي رح يسمّوه إيمان. الحقد والجهل رح يعمّوا أرجاء المعمورة.

رسالة القديس شربل حول مستقبل الشرق والعالم
رسالة القديس شربل حول مستقبل الشرق والعالم

💥 رح يشرق نور المسيح

إثبتوا إنتو بالإيمان والمحبّة. رح يتغيّر وجّ الأرض، حافظوا إنتو على وجّ المسيح. حدود وجماعات وأنظمة بشريّة رح تنمحي وتنكتب عن جديد، وشعوب رح تترنّح تحت النار والحديد. خلّوا محبّتكم بلا حدود وجماعتكم الكنيسة ونظامكم الإنجيل، وكونوا إنتو المرساة اللي بتهدّي السفن الشاردة بالبحار الهايجة، وقلوبكم موانئ سلام لكل تايه ومشرّد ومستجير.

بصلواتكم بتسمطروا الرحمة وبترشّوا محبّة عالأرض. صلّوا تا تلين القلوب المحجّرة وتتفتّح العقول المعتّمة وتخفّ الويلات والأهوال. ما تخافوا بالنهاية رح يشرق نور المسيح، وتشعّ علامة الصليب وتتألّق الكنيسة. اثبتوا بإيمانهم بالمسيح وما تخافوا، وثقوا بإله القيامة والحياة، مجدو دايما آتي.

صفحة مار شربل

🌹 رسالة القديس شربل حول مستقبل الشرق والعالم

 

💦 المزيد من التساعيات

[LightBook.org]

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock