صلوات مسيحية

صلاة شكر لعطايا الرب في حياتنا، الأب بولس مارديني

صلاة شكر لعطايا الرب في حياتنا، الأب بولس مارديني

شارك الأب بولس مارديني في صلاة شكر للرب على ما قدمه في حياتك، ولا تبخل بأن تقدم القليل من وقتك له، لتجلس معه وتتحدث إليه بصلاتك، لا تنسى أنه هو من أعطاك الحياة… جلّ ما عليك صنعه! هو تقديم الشكر الدائم له على كل ما أنعم عليك من خيرات في هذه الحياة وما يقدمه لك من مجد ونعم في الحياة الأبدية.

 

باسم الآب والابن والروح القدس الاله الواحد – آمين

يا رب، بَدّي أشكرك من كل قلبي بدّي اشكرك بفرح مثل الأبرص الذي رجع، ونسي التسعة، وجاء لعندك تـَيقـُلـّك: شكرا، يا رب، لأنك أبرأتني وكنت مبسوط، يا رب، بشكره لدرجة إنك سألت: وين التسعة! بدّي أشكرك، يا رب، اليوم شُكرِ مريم التي ملأتها من روحك القدوس وأقول مع كل مؤمن، كل مرّة بعيش فرح كلمتك واختبار كلمتك: تعظم نفسي الرب، تبتهج روحي بالله مخلصي. بدّي اشكرك لأنك بتنظر لضعفنا وخطايانا، ولأنك صادق  وأمين.

بدّي اشكرك، يا رب، لأنه مهما كنت مَنسي، مثل المذود، بتولد فيه بدي اشكرك، يا رب، لأنه مهما كنت ضايع في بحر هالحياة، بِتِمشى فوق الموج وبتهدّيها بدي اشكرك، يا رب بـ صلاة شكر، يمكن أكون مثل أليعازر دخلت القبر، بس مش قبر الجسد قبر الخطيّة واتسـكـّر عليّ بكل الأبواب.. والناس قالوا: خاطئ!.. شو رح يطلع منه حكموا عليه أحكام قاسيّة، ويمكن حملوا حجارة ليرجموني ويمكن وقفت بالزاوية مستحي بحالي، ومستحي اطـّلـّع بالناس!

صلاة شكر لعطايا الرب في حياتنا، الأب بولس مارديني
صلاة شكر لعطايا الرب في حياتنا، الأب بولس مارديني

وحدك، يا رب، وقفت لتحرّرني، قلت: من منكم بلا خطيئة وحدك، يا رب، نظرت لقلبي وشوقي لإلك وقلتَ مثل ما قلت لمريم الخاطئة: غفر لإلك الكثير لأنك حبّيتني كثير. يا رب، مثل يائيروس جاي لعندك لآخذك لبيتي الذي صار فيه أطفالي أموات، وأفكاري ضايعة.

 

وقلت: يا رب، اتحنن عليّ، يمكن العالم قطع الأمل من خطاياي ومن تصرّفاتي، وضحكوا عليّ ولكن صوتك، يا رب، بيقول: لا تضحكوا.. لا تبكوا معي بيصير الفرح أبدي والحزن تعزية، والضحك بدوني ما بيدوم! أنا، يا رب، اليوم هم ضحكوا عليك لأنك قلت ان الصبيّة لم تمت لكنها نائمة لكن انت بتقدر تحول الموت لقيامة، وليش لا !

مش انت الطريق والحق والحياة! مش انت القيامة من آمن بك وإن مات فسيحيا! لهيك اليوم، يا رب، بسلمك دموعي التي سكبتها على أشياء ما بتحرز بسلمك اليوم “إخناقاتي” التي تخانقتها على أشياء ما بتبقى بسلمك، يا رب، خصامي الذي فصلني عن خيّي الذي جمّعتني فيه بدمك، وِعَشوا؟عا شي بَرْدُه ما… بسلمك اليوم كل كلمي باللساني جرحت..

صلاة شكر لعطايا الرب في حياتنا، الأب بولس مارديني
صلاة شكر لعطايا الرب في حياتنا، الأب بولس مارديني

صلاة شكر وحب لك يا رب

يا ريت، يا رب، كانت كلمه لإلك اليوم، يا رب، بدي قلك بحبك انت الذي قلبك بيسعنا كلنا سوى، وأنت الذي بتحبنا كلنا سوى ما بقبل، يا رب، لا أنا ولا الموجودين: توقف على باب قلبي وادّق لأفتحلك أدخل، يا رب، كل الأبواب مفتوحة، الذي ما بيعجبك بقلبي رح أعطيك إياه: كبه، إحرقه بنار حبك والذي بيعجبك نميه بمحبتك،

اجعلني انسان جديد يليق فيك، يا يسوع المسيح، لا بل اجعلني صورتك كل مرّة بكون موجود بهالأرض، واجعل كل واحد منا بمحبتك عايش عنصرة جديده اليوم بِيِطلع من هالقداس وانت صرت الكل بالكل فيه  آميـن.

كلمات الأب بولس مارديني

صلاة شكر لعطايا الرب في حياتنا، الأب بولس مارديني

www.LightBook.org ]

صلاة شكر لعطايا الرب في حياتنا، الأب بولس مارديني
3.5 (70%) 2 vote[s]

الوسوم
اظهر المزيد

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock