يا من تقول أنك مسيحي ما مركز الله في حياتك؟

هل مركز الله في قلبك؟ يا من تقول أنك مسيحي ما مركز الله في حياتك؟

▶ تابع التأمل الرائع بعنوان ما مركز الله في حياتك

 

هل مركز الله في قلبك يا أيها المسيحي؟

أنت يا من تقـول أنك مسيحي هل تسلك سلوك المسيح؟
أنـت يـا من تقـول أنك مسـيحي هل تسامح مثلما سامح المسيح؟

أنت يا من تقــول أنك مسيحي، هل تقدر أن تحب مثلما أحب المسيح؟
أنـت يـا من تقول أنك مسـيحي، هل تتفانى من أجل الآخرين مثلما تفانى المسيح؟
أنت يا من تقـول أنك مسيحي، هل تضحي من أجل الآخرين مثلما فعل المسيح؟

يا من تقول أنك مسيحي ما مركز الله في حياتك؟
يا من تقول أنك مسيحي ما مركز الله في حياتك؟

يا من تقول أنك مسيحي ما مركز الله في حياتك؟ – عظة للبابا شنودة

💡 ملاحظة! العظة مدونة حرفياً كما وردت على فم قداسة البابا شنودة

إيه إحساسك بربنا؟ إيـه اللي تعرفه عنه؟ إيه اللي تعرفه عن صفاته؟ إيه مدى علاقة هذه الصفات بيك؟ الله محبه ما علاقتك بالمحبة إلى هي الله؟ الله رحيم إيه علاقتك بالرحمة؟ الله موجود إيه علاقته بوجوده إيه قيمة ربنا في حياتك.؟ المسيح سأل التلاميذ.

من تظنون أني أنا من تقولون إني أنا أبقى إيه ومازال ربنا بيسألك أنا أبقى إيه أنا أبقى إيه؟ في واحد يقله أنت يا رب أنا هقلك أنت إيه أنت الأب اللي كله حنان وعطف أبويا الخصوصي مش الأب الجسدي وأنت الصديق الخصوصي.

وأنت يا رب الحبيب شماله تحت راسي ويمينه يعانقني أنت يارب العشرة اللي مقدرش استغني عنها أبداً. بك أوجد وأحيا وأتحرك أنت لست فكره أنت في كياني أنت في روحي أنت في جسدي أنت في دمي أنت في فكري أنت بالنسبالي كل حاجه.

أنت بالنسباله أنت اللي بتعمل فيا أنا لا أعمل أنت العامل أنت المحرك أنا بتحرك بيك أنت الموجه أنت تعمل فيا أنت معي أنت تعمل بي ربما لا أفهمك ولكني احسك أدركك إدراك داخلي لا يعبر عنه أنا عارفك لكن الألفاظ متقدرش تعبر عن معرفتي ليك.

يا من تقول أنك مسيحي ما مركز الله في حياتك؟
يا من تقول أنك مسيحي ما مركز الله في حياتك؟

سؤال تاني هل ربنا خارج منك ولا داخل فيك يعني في حاجه خارجك اسمها ربنا في حاجه في السما اسمها ربنا لما أقول يا رب أبص لفوق ولا أبص لجوه أبص في السما ولا أبص في قلبي فين ربنا موجود فين بالنسبة ليك هل عرفت ربنا ولا معرفتوهش هل عرفت ربنا ولا معرفتهوش.

إيه ربنا بالنسبة لك أنت تعرفه ولا متعرفهوش هل في اختبار بالنسبة لربنا ولا مفيش هل عشت معاه ولا معشتش معاه هل ربنا بالنسبالك فكره أم وجود يعني في فكره اسمها ربنا ولا في وجود حقيقي كيان حقيقي اسمه ربنا إيه اللي موجود إيه مكانة ربنا في حياتك؟

من لا يبغض حتى نفسه من أجلي لا يستطيع أن يكون ليا تلميذا هل أنت نفسك بتحبها أكتر من ربنا متعك الشخصية لذاتك الشخصية أفراحك الشخصية ماليتك الشخصية حريتك الشخصية هل بتحب ده أكتر من ربنا؟

إيه قيمة ربنا في حياتك ولا واحد فيكم الابيقول يارب وكلكم تؤمنوا بالله لكن إيه مركز ربنا في حياتك ربنا بيجي في كل ودان واحد فينا ويقوله كلمه في سرك جوبها في السر وأنا اكتم السر ومقولش لحد أي مركزي في حياتي إيه مركزي في حبك إيه مركزي في مشغولياتك أنا فين وأنت فين

علشان كده قلتلكم اسأل نفسك أين موقعك على خريطة الله أين موضعك على خريطة الله أنت فين حدد علاقتك بربنا في إنسان يصلي وملهوش علاقة بربنا بيصلي وربنا بيقول حين تبسطون أيديكم أستر وجهي عنكم وإن أكثرتم الصلاة لا اسمع مفيش علاقة بيقول هذا الشعب يعبدني بشفتيه أما قلبه فمبتعد عني بعيدا بيصلي ومفيش علاقة في إنسان بيصوم ومفيش علاقة كل علاقة بالصوم إيه نوع الأكل إيه ميعاد الأكل إيه الجوع؟؟؟

يا من تقول أنك مسيحي ما مركز الله في حياتك؟
يا من تقول أنك مسيحي ما مركز الله في حياتك؟

لكن علاقة مفيش علاقة وفي إنسان بيروح الكنيسة يسمع ويتكلم مع أصحابه وبرضه ربنا مفيش علاقة وفي إنسان يقرأ الكتاب المقدس يزداد معلومات ومعرفة ويدرس في مدارس الأحد وبينه وبين ربنا مفيش علاقة في علاقة مع الوسايط الروحية لكن مش مع ربنا لأنه صلاته لليس صلات بالحقيقة وصومه ليس صوما بالحقيقة وذهابه للكنيسة ليس ذهاب بالحقيقة وداخل في عملية روتينية لأكثر ولا أقل وبرضه ربنا بيقول فين مأمركزي؟

طيب هسأل سؤال ادينا موجودين في الكنيسة حوالي 7 الف أو 8 ألف ربنا يقول ليا كأم واحد في دول لكن بالحقيقة كم واحد يقدر يقول حبيبي لي وأنا له حبيبي ليه وأنا له تقوله من هو الله هل هو الخالق هو المدبر هو الراعي يقلك االلهه هو حب

قول زي ما تقول وسميه زي ما تقول لكن ده حبيبي ليا وأنا له من أول معرفته وعرفت الحب ولقيت كل عواطف العالم الأخرى خفيفه وبسيطة وسطحيه والحب الحقيقي اللي له ثقل وله عمق هو ربنا واللي بيحب ربنا يقوله يارب عايز أقعد معاك علطول يقدر كل واحد يقول عايز أعد معاك علطول ولا فلان بالذات أقدر أعد معاه كتير وربنا مقدرش.

ما مركز ربنا في حياتك؟ ربنا أصله طيبه ميقولش نحدد علاقتنا ونشوف إيه بالضبط ماشيين ازاي هو سايبك أنت وضميرك وأنت وقلبك لكن برضوا السؤال مازال قائم أنا عايز أسألك سؤال واحد أنا مركزي إيه في قلبك يا سمعان ابن يونا أتحبني تقول طبعا بحب ربنا.

أوعي تضحك علي روحك وتقول بحب ربنا بتحب ربنا اسأل كم سوال؟ بتحب ربنا قلبك متشعلق فيه بالليل والنهار وطول ما أنت ماشي عقلك في ربنا وواحد يكلمك تنساه وتسرح في ربنا وتحط إيدك في جيبك وتطلع الصورة وتقوله بحبك يا رب وتمسك الكتاب المقدس وتقوله عايز أقرأ كلامك يا رب قلبك متشعلق بيه.

 ما مركز الله في حياتك؟
يا من تقول أنك مسيحي ما مركز الله في حياتك؟

ولا نحبه حب مع إيقاف التنفيذ إيه الحب ده يعني إيه الحب ده بتحب ربنا زي فلان ولا زي فلانه عقلك متشعلق بيه. تقله اشتاقت نفسي إليك يالله عندك هزا الاشتياق متى أقف واتراأمأم الرب محبوب هو اسمك يارب طول انهار. هو تلاوتي ياريت نعيد النظر إلى حقيقة عواطفنا ومدي علقتنا بربنا مدى حبنا بربنا مدي تفضيلنا علي ربنا في كل شي علي كل شهوة وكل رغبه حينئذا ازا ك أنت لنا هذه العلاقة بالله نتحرر من الداخل وهذه هي الحرية الحقيقية.

أنا بحب الحاجه الفلانية مربوط بيها بحب الولد أو البنت مربوط بحب اللقب أو الشهرة مربوط بيه بحب المال مربوط بيه بحب الجسد مربوط بيه لكن إذا اتفكيت من كل دول وبقيت أحب ربنا يبقي نلت حريتي لأبقيت مربوط بده ولا ده ولا بده بقيت مفكوك محلول مفيش روابط أنا مش متسلسل بحاجة أنا حر كده.

زي العصفور إلى بيطير علي شجره يحط علي شجره ويسيبها ويروح شجره تاني حريتي مش متعلق بحاجة يلاقي واحده واتنين قصاده ويسيبهم ويمشي مش متعلق بحاجة قلبه حر من الداخل هل أنت تحررت من الداخل لما محبة ربنا حررتك من كل شهوة أخرى ولا لسه مربوط لسه مقيد لسه ممسوك كل شيء تمسك فيه هو مسك فيه عارفين الكلام ده بيقيدك ويسلسللك تبقي خاضع ليه وخاضع لمحبته متى تتحرر؟

متى تصير كلك حر مفيش حاجه في العالم وتسيطر عليك إيه مركز ربنا في حياتك نقوله يارب أعطني ذاتك أعطني حبك أعطني عشرتك معك لا أريد شيء على الأرض؟
قداسة البابا شنودة الثالث
نقلاً عن منتديات أقباط مصر

 

المزيد من التأملات الروحية

يا من تقول أنك مسيحي ما مركز الله في حياتك؟

lightbook.org

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني.

16 + اثنان =

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock